設為首頁收藏本站76Youtube 頻道

Post76影音玩樂

搜索
查看: 11409|回復: 13

[討論] 日本 (大阪) 摷碟~全攻略2017

  [複製鏈接]

121

主題

1253

帖子

23萬

積分

黑鑽玩家

Rank: 11Rank: 11Rank: 11Rank: 11

積分
239100

76-FC 綠翡翠勲章

發表於 2017-7-18 21:38 | 顯示全部樓層 |閱讀模式
本帖最後由 takeishi 於 2017-7-18 21:38 編輯

  又係我 Takeishi貴司兄來分享下

其實以往我每次去完日本尋寶之後都會返黎同大家分享我既日本摷碟心得.
不過~之前的POST可能已經唔係太UPDATE. 再加上之前用Photobucket既相全部被截斷了.
所以我再重新開個一個新POST出黎同大家介紹去日本搵碟既資料. 希望可以幫到大家啦.
  通常我每年都總會去兩次. 以年尾農曆年果次會去得比較耐D.去成半個月有多.
由關西走到落關東. 我最常去既三個地方. 第一 (東京), 跟次 (大阪). 跟住就係 (名古屋)
其實日本各地都有好多碟鋪. 不過如果係話純粹搵碟既. 首選一定係東京架啦. 東京呢.
呢個地方~都算係我既故鄉. 當年俾人賣豬仔過左去留學左幾年. 所以東京我非常之熟路.

  東京~我對呢個地方實在太熟悉啦. 點形容佢呢. 東京~人口密度極高. 東京確實好多碟鋪.
度度都有. 不過衰在散修修咁. 呢度幾間. 果度幾間. 但係. 佢勝在真係多. 不過只係. 你要搵到D好野.
你真係要抽好多時間出黎. 遂個遂個地去晒佢. 佢每度都有D碟鋪. 例如~新宿. 淨係西新宿都行到你飽.
秋葉原啦. (秋業原就實係搭~神保野) 之後. 御茶の水. 呢3度. 絕對係鐵三角黎架.
跟住就係原宿(渋谷)啦. 又係多到死. 其次既. 池袋. 吉祥寺. 高円寺. 什至. 高田馬場. 再遠小小既. 横浜.
横浜其實好多碟鋪架. 總之. 好多地方都總會搵到D碟鋪. 只不過. 你要行晒佢. 起碼一個禮拜都未必夠.
  不過~呢次我先來同大家分享既係........大阪.
如果大家鍾意既. 需要到既. 東京同埋名古屋. 我都會為大家獻醜. 如果大家唔嫌我既文筆粗俗的話.....



   我會比較鍾意 大阪~呢個地方.
大阪~話大唔大. 話細唔細. 不過你問我. 我會比較鍾意大阪呢個地方. 點解呢. 因為佢D碟鋪會比較集中.
只要你行晒呢三個地方. 梅田. 難波. 心斎橋. 咁樣你已經行晒成個大阪8成既碟鋪架啦. 其餘既真係可以唔去.
而且. 大阪比起東京. 佢比較重可以保留住80年代果種傳統碟鋪既風格同埋特色. 幾拾年來都無咩點樣改變過,
相反, 東京就已經變到面目全非啦. 晌大阪你還可以搵到D真係80年代既碟. 好多都可以好容易可以搵得番.
你要買新碟. 大阪一樣有. 例如 HMV. TOWER RECORD啦. 大阪一樣有. 所以我其實鍾意大阪多過東京架.
  如果大家想去大阪搵碟既. 呢度有齊晒....梅田. 難波. 心斎橋 . 呢三個地方既碟鋪資料.
只要你跟住去行晒佢就實無走鷄架啦. 以下就係OSAKA 2017唱片鋪最UPDATE既 MAP, 跟住佢行
包你滿載而歸.



  基本上~呢三個地方就係大阪既搵碟鐵三角. 必去架啦. 根本就無得唔去. 鐵膽黎架啦.
SHINSAIBASHI 心斎橋 + NAMBA 難波 (なんば)  
~ 難波~即係日本橋(電電城). 佢亦都有非常多碟鋪. 亦都非常之集中. 難波隔離就係心斎橋. 心斎橋隔離係美國村. 成個大阪最多碟鋪就係呢兩度啦. .  
UMEDA
梅田
  ~ 呢度亦都唔弱架. 以前梅田既碟鋪真係多過米鋪. 所以~呢3個地方. 大家真係要抽長D時間去慢慢行晒佢地.
不過提提大家既就係. 大阪唔同東京. 佢D碟鋪. 有D真係收8點架昨. 所以真係唔好太夜去. 8點打後. 你去行Book-Off啦. 因為好多8點至9點就收檔架啦.
OSAKA Recrod Map 1.jpg
OSAKA Recrod Map 6.jpg
OSAKA Recrod Map 5.jpg
OSAKA Recrod Map 4.jpg
OSAKA Recrod Map 3.jpg
OSAKA Recrod Map 2.jpg

評分

參與人數 14威望 +730 金錢 +720 熱話 +100 收起 理由
chopinlau + 10 + 10
bbbig + 10 正到爆
manid903 + 10 + 10 take 野兄果然利害,haha!
Stanley5387 + 10 + 10 無私分享,感覺C Hing!
andy7fai + 10 + 10 Thanks
dc903 + 20 + 20 齋看看你post已開心,雖然仲未去看。.
nflam + 10 + 10 用家心得極具參考價值
XPR + 10 + 10 正到爆
angllewave + 10 + 10 正到爆
pinkspider + 10 + 10 正到爆
小瑟 + 100 + 100 一定要加分
245141525 + 500 + 500 + 100
TKMMKT + 10 + 10 post76之寶
Msuper + 10 + 10 好野茂收埋;至叻至尊敬係 tak兄你!.

查看全部評分

121

主題

1253

帖子

23萬

積分

黑鑽玩家

Rank: 11Rank: 11Rank: 11Rank: 11

積分
239100

76-FC 綠翡翠勲章

 樓主| 發表於 2017-7-18 21:38 | 顯示全部樓層
本帖最後由 takeishi 於 2017-7-19 14:25 編輯

  先黎介紹~難波,  去大阪必去既地方. 難波 (電電城)
相信都無人唔識架啦. 電電城就等於好似東京既秋葉原咁樣. 不過~佢除左好多動慢之外.
佢重有好多二手碟鋪. 我數得出既起碼都有十幾間. 就由電電城開始帶大家行啦.
最好早D出發. 因為~佢好多都收8點. 不過. 佢又開得好早. 好多都十點開門.




  難波 (電電城) ~ 即係日本橋通. 基本上呢. 去得大阪既都實會去行下架啦.
特別係電慢迷就更加唔駛講. 不過~對於我地D碟痴. 呢隻亦都係搵碟既勝地. 因為.
就咁日本橋呢條通. 只要你沿住條通黎行. 最小都搵到十間八間. 如果再你深入D去搵.
電電城入面都重有好幾間碟鋪. 有幾間更加不可以錯過的.



  首先第一間你一定要行既. 而且亦都實會經過既就係呢間. MINT RECORD
晌二樓架. 你要小心D抬高個頭先見到.























  好啦~行完最近車站果間MINT RECORD之後呢.
轉入去電電城啦真係. 入去你會見到好多動慢既店舖. 成個秋葉原咁款.



  晌電電城入面. 呢幾間你真係一定要去行. SOUND-PAK
呢座野第一層至第三層全部都係賣二手碟架. 淨係呢度你都有排行呀.
1樓行到去3樓. 碟種類亦都十分豐富. 多到你都搵唔駛. 價錢亦都唔會太貴.
所以我好鍾意呢間野. 次次去親都實有野掃架.

  記住行埋二樓同三樓呀. 唔好就咁走左去呀. 包你有意想不到既收獲















  行完之後你可以行後小小. 會見到有間FORVER RECORD
不過佢又係要抬高個頭先至見到, 因為佢晌三樓架. 所以呢. 唔好只係睇地下.
有時抬高個頭. 你會發現好多驚喜架.




















  之後~你可以行去另一邊. 又有一間SOUND PAK
不過呢間就難搵小小. 不過你行耐D就實會搵到佢既.



  其實成條日本橋就有好幾間SOUND PAK. 呢間就晌正日本橋通既馬路邊.



  另外~還有一間叫做RECORD 2既二手碟鋪. 呢間都幾大間下架.



  重有~呢間. 又係好大間架. 叫做樂道, 入面十分之大. 而且碟多到嚇死你.





























  當然唔小得既就梗係DISCPIER~其實全部係一條大直路. 晌晒日本橋通入面.
只要你花D時間沿住條通由頭行到落尾. 包你買到破產都得.






沿住條通. 好多D細既鋪頭仔. 入面都有好多野睇架. 唔好錯過/
有時鋪頭仔先執到D好野架.









  淨係呢一條日本橋通り, 只要你由街頭行到落街尾. 左右馬路兩邊.
什至路邊. 橫街窄巷. 你細心d去搵. 起碼有十間八間. 行到你腳軟都可能行唔晒.
當然~重有呢間 DISC JJ  , 同埋 SOUND BAY 啦. 呢兩間都係好出名大阪名物.
大阪搵二手碟既個個都識佢地架啦. 而且碟量又多. 價錢亦都唔貴. VERY GOOD.





  RECORD-ONE 呢間好細~不過都唔小碟架.










  呢間唔駛我介紹啦. DISC JJ . 梅田都有兩間.
價錢就貴左小小啦. 不過尚算可以接受既. 比起香港最貴果間得記. 佢已經算係好平架啦,.
得記賣8百蚊既碟. 佢果度搵到的話. 百零2百蚊一定攪掂.

























評分

參與人數 5威望 +100 金錢 +90 收起 理由
dc903 + 20 + 20 貴司兄好得,又係比滿分。
oops + 10 超正!
TKMMKT + 10 + 10 我想俾師兄101分^^
ernietse + 50 + 50 精彩日本橋報告
Msuper + 10 + 10 其實你手倦嗎?哈哈!

查看全部評分

121

主題

1253

帖子

23萬

積分

黑鑽玩家

Rank: 11Rank: 11Rank: 11Rank: 11

積分
239100

76-FC 綠翡翠勲章

 樓主| 發表於 2017-7-18 21:38 | 顯示全部樓層
本帖最後由 takeishi 於 2017-7-19 10:31 編輯

  心斎橋 ~  基本上去大阪既就實會去心斎橋. 心斎橋~1年365日都咁多........大陸人.
我其實從來都唔會行入去心斎橋度買野架. 因為實在太多人啦. 特別係過年. 迫都迫唔到入去.
每行十步就聽到"果乳", 再行多十步就聽到"廣東話"





之不過. 心斎橋呢個地方. 搵碟必去架. 行完難波. 你無理由唔行埋過去心斎橋架. 晌隔離之嗎,
而且最重要既就係. 心斎橋既美國村. 同埋心斎橋日航酒店後面. 真係有好多好多碟鋪. 可能多過電電城.
晌心斎橋既碟鋪大多數都係比較新同埋比較潮既店舖都集中晒晌呢隻. 當然啦. 佢咁潮又咁新. 價錢實係比較貴D.
但係你可以搵到好多較為新出既碟同埋好多唔同類型既碟. 呢度絕對係搵碟既..........勝地.



  首先要介紹既~好多人都唔知有呢個地方架. 晌日航酒店後面. 行入小小. 去到MY STAY酒店既對面就係架啦.
有一座3層樓既建築物. 上面3樓同2樓. 全部都係賣黑膠碟架. 入面數埋最小有15間碟鋪. 全部都係賣碟. 各式各樣.
各類型既黑膠碟都可以晌入面搵到. 間間店舖都有唔同既主題同埋唔同既特色. 有D賣POP, 有D賣JAZZ. 有D玩電子.
有D玩另類. 總之包羅萬有. 不過.....價錢唔平. 唔好諗住可以搵到D好平幾百円既野. 呢隻係貴精不貴多架. 所以呢.
搵到好野. 睇下價錢. 覺得OK就買. 不過. 呢度的確真係勁多碟鋪. 多到我都睇唔晒.











































  行完之後啦~你可以行返上去入小小就係美國村啦. 美國村唔駛我介紹啦. 入面賣潮物既.
最新最流行既服飾. 當然唔小得既就梗係碟鋪啦. 入面有間最出名既地標碟鋪. KING KONG RECORD.
有美國村就有KING KONG RECORD. 呢間野開左好多年啦. 而且入面D碟真係多到不得了. 晌入面
行一粒鍾都不是出奇事. 而且~最開心既就係. 佢價錢唔係好貴. 可以接受. 而且十分合理. 唔會見到D離晒地既炒價.
所以~我十分之鍾意呢間野.














KING KONG RECORD 對面有間書店架. 唔好錯過.



另外晌KING KONG附近. 好多酒BAR果邊. 有間叫做 TIME BOMB 碟鋪.
呢間難搵D,. 你要好細心咁先搵到. 晌地庳架. 不過呢間都好鬼死大架. 入面好多碟.
不過好多都係另類D既碟.  


























其實美國村入面起碼有十間碟鋪. 不過有D賣JAZZ既古典既我就無去行.
只要你花多D時間就實搵到. 除左美國村. 本身心斎橋入面都有兩間BOOK-OFF架.
而且都唔細架. 好多二手碟. 價錢又鬼死咁平. 所以. 就咁心斎橋+難波. 我驚你行足一日都行唔晒呀.



評分

參與人數 1威望 +20 金錢 +20 收起 理由
dc903 + 20 + 20 正到爆晒燈,好野。

查看全部評分

121

主題

1253

帖子

23萬

積分

黑鑽玩家

Rank: 11Rank: 11Rank: 11Rank: 11

積分
239100

76-FC 綠翡翠勲章

 樓主| 發表於 2017-7-18 21:38 | 顯示全部樓層
本帖最後由 takeishi 於 2017-7-20 10:08 編輯

   大阪~難波+心斎橋  (最多碟鋪的地方) 行完唔夠喉既.
得~無問題. 重有~ 梅田,  梅田亦都係大阪核心地區. 購物. 娛樂. 咩都有.
梅田以前好多碟鋪架. 不過呢家小左好多. 不過~仍然好有吸引力. 而且.
去得大阪. 梅田你都實要去. 所以~不防抽1日時間去梅田掃碟. 包你滿載而歸.
只係梅田D碟鋪比較難搵D. 分散晒成個區都有. 唔似得日本橋果邊咁集中.
所以真係要花D時間慢慢搵. 但係~梅田幾間碟鋪都好值得去. 為碟死. 為碟忙.
行幾遠都值得既.  


  首先介紹既呢~晌東梅田後小小 (近住堂山町) , 認住呢條天橋. 晌佢後面.
不過都幾難搵下架. 唔怕. 去到晌人. 應該好多人都識架啦. 拎幅相出黎. 應該有人幫到你.
佢就係. 晌大阪唯一既一間 DISK UNION 啦. 晌東京就大把DISC UNION啦. 大阪. 只此一間.
全大阪暫時只係得佢一間架昨. 所以~必去. 無得唔去.
  


  DISK UNION 有時會做DISCOUNT架. 遇岩佢做特價. 買野都爽手好多. 正呀.



  大阪呢間DISK UNION晌個商埸入面, 地下黎架.
晌外面你真係要好留心先見到佢個水牌架.
不過入面都幾大下. 亦都幾多碟. 行得好舒服.

















  去到梅田~茶屋町, 即係車站附近. 好多百貨公司果邊呢. 你實見到 TOWER RECORD 架啦~買新碟就實係佢. 或者HMV.
不過呢家日本HMV開到山卡啦咁遠. 想搵間近既易搵既都幾難. 所以. TOWER RECORD
就成為買碟首選架啦. 又近又方便. 又齊全. 買新碟. 我好多都係晌佢度搵到架.












  晌TOWER-RECORD前小小條街. 都係茶屋町果頭架. 行前一個街口就搵到架啦.
有間好老字號既二手碟鋪叫做 MUSIC-INN, 呢間野呢. 真係有廿幾年曆史架啦. 我細細個就識得佢架啦.
呢間真係好難得有碟鋪重保留住80年代果種風格架啦, 而且佢D碟亦都真係80年代既居多.
次次我都實會去呢間野度行下架. 總係有收獲架. 個老細買到認得我啦.















  好啦~行完地面. 跟住去行下地下街~梅田地下街都有好多小店同老店.
不過比較遠小小. 你晌TOWER RECORD果邊行過去真係要成十分鍾. 行到腳都軟.
但係好多舊店, 同埋DISC JJ 都晌入面. 地下街以前好多碟鋪架. 不過執下執下.
呢家得番3幾間. 最值得去既當然梗係DISC JJ 同埋 SOUND PAK啦.
地下街度有間郵局. 可以順便去寄下野.













  DISC JJ 門口有架電單車架. 幾過癮架.















評分

參與人數 5威望 +140 金錢 +140 收起 理由
twinggy + 10 + 10 報告非常詳盡
ernietse + 50 + 50 Osaka stock different than Tokyo
dc903 + 20 + 20 報告非常詳盡,太感動啦。
Cheong448 + 50 + 50 件件精品.....點掃得乾淨
zzjude + 10 + 10 精彩報告

查看全部評分

8

主題

742

帖子

35萬

積分

鑽石玩家

阻我儲碟者肥五十磅 世紀魔鬼赤貧碟二號

Rank: 12Rank: 12Rank: 12

積分
351097

76 榮譽慈善家勲章

發表於 2017-7-18 21:57 | 顯示全部樓層
坦白講,真係無幾多個好似師兄禁有心機打禁多只字同分享禁多相片,如果真係去蘿蔔國掃碟的人呢個帖絕對幫到手。

另一個我諗到 psb兄,真係好認真比個 過你倆位大大!



評分

參與人數 2威望 +70 金錢 +70 收起 理由
dc903 + 20 + 20 真係用心又用力㗎。
ernietse + 50 + 50 不如就你編寫一篇本地搵蝶板圖文並茂啦.

查看全部評分

7

主題

377

帖子

6萬

積分

黃金玩家

Rank: 9Rank: 9Rank: 9

積分
68550
發表於 2017-7-18 23:26 | 顯示全部樓層
takeishi 發表於 2017-7-18 21:38
先黎介紹~難波,  去大阪必去既地方. 難波 (電電城)
相信都無人唔識架啦. 電電城就等於好似東京 ...

多謝 Takeishi 的精彩分享!

我都算是差不多一年會到日本一次旅行, 雖然我都喜歡趁旅行買碟, 但花在揾碟的時間不算多, 主要是我比較集中在古典樂方面, 賣古典 LP 的碟鋪舖相對不多, 特別是好似優質的古典 LP 越來越少有, 多年前去東京渋谷的 Recofan 已經可以找到不少好碟, 近幾年都不想去看了, 就是到新宿 discunion 看看便是, 但好碟又貴, 相對以前常有又平又正的貨色。

我這個星期五又出發了, 你早些分享東京、名古
屋摷碟~全攻略啦, 待我出發前準備一吓就好了, 謝謝。

評分

參與人數 2威望 +70 金錢 +70 收起 理由
dc903 + 20 + 20 古典請show啦,e到有不少c兄姐都聽。.
ernietse + 50 + 50 Happy Trip, show us store photo please

查看全部評分

121

主題

1253

帖子

23萬

積分

黑鑽玩家

Rank: 11Rank: 11Rank: 11Rank: 11

積分
239100

76-FC 綠翡翠勲章

 樓主| 發表於 2017-7-26 14:04 | 顯示全部樓層
patrickwong 發表於 2017-7-18 23:26
多謝 Takeishi 的精彩分享!

我都算是差不多一年會到日本一次旅行, 雖然我都喜歡趁旅行買碟,  ...

希望幫到你啦. ~ 心dry橋. 行到最尾最尾. 最尾最尾. 總之行到最尾啦.
有兩間碟鋪. 其中一間專賣JAZZ, 都幾大間架. 去開可以去行下.
至於東京. 名古屋呢~等我有時間再POST出黎. 整理D相片同資料真係好花時間架.

評分

參與人數 1威望 +20 金錢 +20 收起 理由
dc903 + 20 + 20 謝謝你。

查看全部評分

13

主題

1493

帖子

20萬

積分

黑鑽玩家

Rank: 11Rank: 11Rank: 11Rank: 11

積分
204372
發表於 2017-7-26 20:02 | 顯示全部樓層
十分多謝Takeishi ching這用心的分享~

3925

主題

5萬

帖子

259萬

積分

總版管

Rank: 9Rank: 9Rank: 9

積分
2592395

76 榮譽慈善家勲章76 榮譽貢獻勲章76 榮譽有禮勲章76 榮譽鑽石勲章76 榮譽忠義勲章76 榮譽VIP勲章76-FC 黑鑽石勲章76 精選榮譽會員勲章76-FC 綠翡翠勲章

發表於 2017-7-26 21:56 | 顯示全部樓層
takeishi 發表於 2017-7-18 21:38
先黎介紹~難波,  去大阪必去既地方. 難波 (電電城)
相信都無人唔識架啦. 電電城就等於好似東京 ...

TAKEISHI SAN, 我跟住你個MAP行哂咁多鋪, 真係好彩有你帶路我先易搵炸, 好多鋪唔係有你個MAP跟本冇可能搵到呢, 我果日星期六4點幾行, 唔知點解, 成條街都好靜, 鋪又唔多人, 尤其係電電城, 靜到完全冇客.....好恐怖呢!!!

評分

參與人數 2威望 +70 金錢 +70 收起 理由
dc903 + 20 + 20 咁大家去開日本幫襯下 唔想過10年無晒。.
ernietse + 50 + 50 今非昔比日本經濟差人唔敢消費,秋葉原都冷.

查看全部評分

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台

Post76玩樂網.

52

主題

455

帖子

9萬

積分

黃金玩家

Rank: 9Rank: 9Rank: 9

積分
95832
發表於 2017-8-6 19:40 來自手機 | 顯示全部樓層
本帖最後由 andy7fai 於 2017-8-6 19:42 編輯

多謝Takeishi 兄嘅分享!
Thanks
您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表