下次出街唔好帶銀包 ... 3DS 入手，有相有片

lego_cyris · 發表於 2011-2-27 23:44

本帖最後由 lego_cyris 於 2011-2-28 01:34 編輯

都話出街唔好帶銀包，行下行下，多左個紙盒一齊返屋企

黑色 Nintendo 3DS + 街霸 + 任天狗/ 貓 + HORI 保護貼 + HORI 保護袋
街霸係自己玩，任天狗/ 貓係女朋友玩。跟機附件不多：說明書、遊戲咭、充電座、2GB SD CARD。

1) 首先，講講大家最關心嘅 3D 效果。開頭我以為係浮出黎立體感，但原來係向內立體，你可以像樣係一個立體既盒，向內有深度。所有野都係喺盒入面發生。3D 嘅深度可以調整或關閉，開 3D 用電會高。玩耐左隻眼會倦同習慣左個立體感，所以機內有個家長管理，可以完全關閉 3D。

2) 內置遊戲：
盒入面有五張咭，係用黎玩機內立體射擊 Game，先跟指示放平張咭，當部機對準了，咭面會出現動畫，遊戲正式開始，詳情可以睇片。

另外一隻內置 Mini Game 都係射擊、都係實景，先同自己影一張大頭相，電腦會用你張相 rendering 做氣球，D 氣球你嘅目標就係射爆 D 氣球，詳情都可以睇片。

3) 街霸、任天狗：
街霸真係非常非常 3D，橫向式嘅畫面大概分左五、六層 Layout，大約分為左手一層、身體一層、右手一層、背景兩層。控制方面，有 Joypad 的既關係，加上我唔係太高手，我可以接受。如果唔懂得出式，下面既 Display 已經有招式製，即㩒即出。

任天狗畫面好靚，加上任天堂品牌，不需要擔心。任天狗係一隻女仔 Game，各位師兄如果要出機，記得入返隻招呼老細。

總體黎講，任天堂又帶左新刺激俾個市場，如果 3DS 內置鏡頭加立體效果玩傳統紙牌 Game 一定非常出色。實景射擊都好有發揮空間，遲下可能見到成班人攞住部 3DS 頭 On On 玩射擊。

最後，今後部機俾左女朋友養狗 … 佢玩左一陣已經無理我 …

不過佢無火牛，終有一日落返我手。

Nintendo 3DS + 街霸 + 任天狗/ 貓

黑色主機

入 Game、入筆位

可以入 SD Card

充電座

充電接觸位

充電時可以換 Game

內置 Mini Card Game 實物

兩兄弟合照